Zyrtarë të Shtëpisë së Bardhë: Ishim në dijeni për sulmin në Katar

Zyrtarët e Shtëpisë së Bardhë i kanë thënë Reuters se SHBA-të u njoftuan përpara sulmit të Izraelit në Doha të Katarit.

Mediat izraelite raportuan më parë se Donald Trump i dha dritën jeshile sulmit izraelit në Katar.

Sulmi i Izraelit ndaj Katarit ka ngritur menjëherë pikëpyetje mbi shkallën e dijenisë apo përfshirjes së Shteteve të Bashkuara në këtë operacion.

Kryeqyteti i Katarit, Doha, u trondit nga shpërthime të fuqishme këtë të martë, ndërsa ushtria izraelite njoftoi se ka kryer një sulm ajror që kishte në shënjestër drejtues të nivelit të lartë të Hamasit.

Në një deklaratë të shkruar, ushtria izraelite konfirmoi se objektiv i sulmit ishin figura të larta të Hamasit, por nuk dha detaje mbi vendndodhjen e saktë apo mbi viktima të mundshme. Megjithatë, një zyrtar izraelit, duke folur në kushte anonimiteti për kanalin televiziv Channel 12, pohoi se shpërthimet në Doha ishin rezultat i një operacioni të ushtrisë izraelite që synonte eliminimin e krerëve të Hamasit.

LEXONI GJITHASHTU:

• Sulmi ndaj kryeqytetit të Katarit/ Publikohet deklarata e plotë e sulmit nga Izraeli
• Çfarë dihet nga sulmi ajror ndaj grupit negociator të Hamasit në Katar