Përfundon rinumërimi i 114 kutive në qarkun e Beratit, ngushtohet diferenca LSI-PS

Ka përfunduar procesi i rihapjes së kutive me fletët e votimit në 114 qendra votimi në qarkun e Beratit.

Nga ky proces nuk ka pasur ndryshime në shpërndarjen e mandateve në këtë qark, por është ngushtuar diferenca mes Partisë Socialiste dhe Lëvizjes Socialiste me 58 vota, nga 77 që ishte kur KZAZ-të kishin shpallur rezultatin.

Tashmë, Komisioni i Ankesave dhe Sanksioneve do të tërhiqet për të dhënë vendimin dhe mbetet për t’u parë nëse LSI do të kërkojë rinumërimin e të gjitha kutive në këtë qark.

Pak ditë më parë, KAS rrëzoi kërkesën e PD-së dhe LSI-së për pavlefshmëri të rezultatit të 25 prillit dhe përsëritjen e zgjedhjeve në qarkun e  Beratit.

Po kështu KAS ka vendosur për rrëzimin e kërkesave ankimore të PD dhe LSI për qarkun e Gjirokastrës.

Ndërsa, dje KAS rrëzoi kërkesat e PD dhe LSI për të shpallur të pavlefshëm rezultatin e zgjedhjeve të 25 prillit në qarkun Vlorë.

Lexoni gjithashtu:

KAS vendos që të rinumërohen 114 kuti votimi në qarkun e Beratit

KAS rrëzon kërkesën e PD-LSI për pavlefshmëri dhe përsëritje të zgjedhjeve në Berat

KAS rrëzon kërkesat e PD dhe LSI për rivotim në qarkun Vlorë