“Nyja” bullgare për RMV, Zaev: Plani i Brukselit, bazë e mirë për heqjen e pengesave Shkup-Sofje

Pas prezantimit të një plani nga Bashkimi Europian për zgjidhjen e kontekstit të identitetit mes Bullgarisë dhe Greqisë, sot në Shkup kryeministri i Maqedonisë së Veriut, Zoran Zaev duket se ka pranuar këtë qasje. Ai shprehet se propozimi është bazë e mirë për zgjidhje që nuk prek çështjet e identitetit maqedonas

“Propozimi është një bazë e mirë për arritjen e një zgjidhjeje të problemit, një zgjidhje që do të heqë të gjitha pengesat, duke lënë mundësi për mbajtje të konferencës së parë ndërqeveritare për Maqedoninë e Veriut”, u shpreh Zoran Zaev, kryeministër i RMV-së.

Ministri i Jashtëm portugez, Augusto Santos Silva deklaroi se synimi i shtetit të tij është që Shkupi dhe Tirana të fillojnë negociatat, duke u shprehur besimplotë për përparimin e bisedimeve mes dy shteteve fqinje.

“Natyrisht qëllimi ynë gjatë presidencës sonë të Këshillit të BE-së është që të marrim pëlqimin e të gjithë vendeve anëtare të BE-së, të miratojmë kornizën e negociatave me Republikën e Maqedonisë së Veriut dhe Shqipërinë dhe të mbajmë konferencën e parë ndërqeveritare me të dy vendet”, tha Augusto Santos Silva, ministër i Jashtëm i Portugalisë.

Por, ndryshe mendon Sofja zyrtare. Mediat bullgare shkruajnë se propozimi i Be-së nuk është I pranueshëm për autoritetet e atjeshme gjë që lë edhe më shumë hapësirë për skepticizëm për zgjidhje të kontestit mes Bullgari-Maqedoni e Veriut në periudhë të afërt.