Gjermania rrit sigurinë e mbrojtjes ajrore ndaj dronëve rus

Gjermania është duke u përgatitur të forcoj mbrojtjen ajrore për t’u mbrojtur nga depërtimet e dronëve, për shkak të rritjejs së sulmeve të nisura nga Rusia, tha sot ministri i Brendshëm Alexander Dobrindt.

Duke iu referuar “shkeljeve të hapësirës ajrore të fqinjëve tanë europianë”, fluturimeve me dronë mbi kufi dhe sulmeve kibernetike, Dobrindt u tha ligjvënësve se “kërcënimi është i pranishëm kudo”.

Si rezultat, Gjermania do të “rifurnizojë” mbrojtjen ndaj dronëve, duke njoftuar një reformë të re Ligjore për Sigurinë Ajrore.

NATO paralajmëroi Rusinë se do të përdorte “të gjitha mjetet e nevojshme ushtarake dhe jo-ushtarake” për të shmangur kërcënimet, pas disa incidenteve javët e fundit ku avionë ose dronë rusë hynë në hapësirën ajrore të anëtarëve të NATO-s.

Aleatët e NATO-s u takuan për konsultime në Bruksel pasi tre avionë luftarakë rusë hynë në hapësirën ajrore të Estonisë javën e kaluar, dhe një numër i madh dronësh rusë depërtuan në hapësirën ajrore të Polonisë më herët gjatë muajit. Rumania gjithashtu ka regjistruar një dron rus që hyri në hapësirën e saj ajrore këtë muaj.

Ndërkohë, mëngjesin e sotëm, Danimarka tha se dronët mbi aeroporte daneze gjatë natës ishin pjesë e një “sulmi hibrid”, të cilin ministri i Mbrojtjes, Troels Lund Poulsen, e përshkroi si të organizuar nga një aktor profesionist.

LEXONI GJITHASHTU:

• SHBA kundër përjashtimit të Izraelit nga FIFA, diplomaci para Kupës së Botës
• Marina franceze sekuestron 9.6 ton kokainë në Afrikën Perëndimore