Përgatitjet për ditën e hapur të “Defender 21”, publiku njihet me mjetet ushtarake

Të dielën në orën 10:00 nis dita e hapur për publikun e stërvitjes “Defender 21” në kryeqytet. Në sheshin “Nënë Tereza” do të ekspozohen pajisjet dhe mjetet e ushtrisë amerikane dhe asaj shqiptare dhe do të jenë të hapura për publikun.

Mjetet e ushtrisë amerikane dhe shqiptare do të mbushin sheshin “Nënë Tereza” që prej orës 10:00 të së dielës.

Pas Durrësit dhe Vlorës, është radha e kryeqytetit për të zhvilluar ditën e hapur të stërvitjes shumëkombëshe “Defender Europe 21” .

Helikopterë, blinda ushtarake, autobusë dhe pajime të të gjitha komandave, ajrore, detare dhe tokësore që do të të ekspozohen në stenda do të mbushin sheshin.

Nëntoger, Fabio Bardho, pilot i bazës ajrore në Farkë thotë se ka vërejtur interes për ditën e hapur.

“Ka interes për foto dhe për të mësuar nga afër sidomos për helikopterët”, tregon nëntorgeri.

Krahas podiumit ku do të mbajnë fjalën ministri i Mbrojtjes dhe ambasadorja amerikane.
Edhe pjesa përgatitore për shfaqen e hapur së të dielës, ngjalli interes, kryesisht tek fëmijët.

Madje kishte dhe nga ata që ushtarakëve amerikanë iu shfaqën me propozime konkrete.
“Defender 21” nën drejtimin e forcave amerikane do ët vazhdojë në Shqipëri deri 10 ditëshin e parë të qershorit. 7 prej 30 baza ku po zhvillohet stërvitja janë ngritur në vendin tonë.