Vrasja e Everest Çakës, SHÇBA thotë se Policia e Elbasanit ka vepruar në kohë

Shërbimi për Çështjet e Brendshme dhe Ankesat thotë se për vrasjen e Everest Çakës në Elbasan, ku u plagos edhe gruaja e tij me iniciale S.C, Policia e Elbasanit ka reaguar në kohë dhe nuk ka një hetim për uniformat blu.

Nga konstatimet e SHÇBA, veprimet e Policisë së Elbasanit kanë qenë konform procedurave standarde, duke reaguar në kohë për ngritjen e postblloqeve dhe mbledhjen e provave në vendngjarje, në funksion të zbardhjes së rrethanave dhe kapjen e autorëve të kësaj ngjarje kriminale.

Everest Çaka u vra mbrëmjen e  11 majit në Elbasan, pasi u qëllua me armë teksa po udhëtonte me makinë së bashku me bashkëshorten e tij.

Dyshohet se autorët kanë përdorur armë me mbytës zhurmem pasi banorët e zonës nuk kanë dëgjuar krisma.

Pistat ku po heton policia janë 2. E para është përfshirja e viktimës në ngjarjet kriminale, për të cilat është marrë edhe si i dyshuar.

Ndërsa pista e dytë është saga e hakmarrjeve të vrasjes së kushëririt të tij, Arjan Spahiut. Ky i fundit u vra në Belgjikë, gjatë përplasjeve mes bandave.

Lexoni gjithashtu:

Ekzekutimi i 41-vjeçarit në Elbasan, dy pistat ku po heton Prokuroria

Kalvari i vrasjeve që çoi deri tek ekzekutimi i 41-vjeçarit në Elbasan

Ekzekutimet në Elbasan dhe Vlorë, eksperti i sigurisë: Grupet kriminale po forcohen, lidhje me strukturat e shtetit