Gjykata e Posaçme e Apelit refuzon kërkesën e Ardian Çapjas për masë të zbutur sigurie

Gjykata e Posaçme e Apelit Kundër Korrupsionit dhe Krimit të Organizuar ka refuzuar kërkesën e Ardian Çapjas për masë të zbutur sigurie, duke e lënë atë në burg të paktën deri në përfundim të hetimeve.

Çapja u arrestua gjatë operacionit “Krasta 2021” për vrasjen e Gentian dhe Nezir Beqirit në vitin 2012.

Në kërkim për të njëjtën ngjarje është edhe Florenc Çapja, të akuzuar nga prokuroria si porositës dhe organizator të vrasjes, që dyshohet se është pasojë e një vargu hakmarrjesh në Elbasan.

Hetimet për ngjarjen u rihapën në vitin 2018 nga disa të dhëna të mbërritura në Policinë e Shtetit, ndërsa prova më e fortë e Prokurorisë së Elbasanit është dëshmia e Ervis Bardhit, i konsideruar si ekzekutuesi fizik i Gentian Beqirit në apartamentin e tij.

Dëshmia e këtij të fundit u konsiderua e besueshme nga Prokuroria, teksa ai ka treguar me detaje mënyrën e vrasjes dhe faktin që ka marrë 50 mijë euro për vrasjen nga porositësit.

Lexoni gjithashtu:

Ardian Çapja transferohet në ambinetet e spitalit të burgut në QSUT

Përfundon seanca për Ardian Çapjan, vendoset masa e “arrestit me burg“

Merret në mbrojtje Ritvan Sukaj, prokurori i çështjes së Ardian Çapjas