Alarm në Shtëpinë e Bardhë, makina godet postobllokun e policisë

Një burrë përplasi makinën e tij në portën hyrëse të Shërbimit Sekret të Shteteve të Bashkuara, jashtë Shtëpisë së Bardhë.

Sipas Shërbimit Sekret të SHBA-së, incidenti ndodhi pak pas orës 10:30 të mëngjesit në Uashington, D.C., të martën.

Agjencia tha në një postim në platformën e saj X , se “personi u arrestua dhe automjeti u ekzaminua dhe u konsiderua i sigurt”.

Imazhet e agjencive të lajmeve treguan një makinë të zezë që ishte përplasur me një pikë kontrolli sigurie në anën perëndimore të kompleksit të Shtëpisë së Bardhë.

Ndërkohë, Presidenti Donald Trump ndodhej brenda Shtëpisë së Bardhë në kohën e incidentit, sipas raportimeve.

Autoritetet nuk dhanë informacione të mëtejshme rreth identitetit të shoferit apo motivit të mundshëm. As Shtëpia e Bardhë dhe as Shërbimi Sekret nuk iu përgjigjën pyetjeve në lidhje me incidentin.

Gjithashtu, në shtator, një burrë u arrestua pasi përplasi makinën e tij në portat e zyrës së FBI-së në terren në Pittsburgh, në atë që rojet e quajti një sulm të synuar.

Alarm në Shtëpinë e Bardhë, makina godet postobllokun e policisë pic.twitter.com/xEvgOeRbJm

— Euronews Albania (@EuronewsAlbania) October 22, 2025

LEXONI GJITHASHTU:

• Trump vizitë treditore në Japoni, testi i parë diplomatik për kryeministren e re