Kroacia rikthen shërbimin e detyrueshëm ushtarak

Parlamenti kroat ka miratuar rivendosjen e shërbimit të detyrueshëm ushtarak pas 17- vitesh.

Sipas raportimeve, ligjvënësit kroatë kanë votuar të premten me shumicë dërrmuese për të rivendosur shërbimin e detyrueshëm ushtarak për të forcuar mbrojtjen e vendit ballkanik, në përgjigje të tensioneve dhe konflikteve globale në rritje, përfshirë luftën e Rusisë në Ukrainë.

Ndërkohë, shërbimi i detyrueshëm ushtarak në Kroaci u hoq në vitin 2008, një vit para se të bashkohej me NATO-n.

“Po shohim një rritje të llojeve të ndryshme të kërcënimeve, që kërkojnë veprim të shpejtë dhe efektiv nga komuniteti i gjerë”, u tha ligjvënësve këtë javë Ministri i Mbrojtjes, Ivan Anusiç.

Përafërsisht 18,000 burra do të rekrutohen çdo vit për dy muaj trajnim, sapo të mbushin 18 vjeç. Iniciativa pritet të fillojë vitin e ardhshëm, ku gratë do të jenë të përjashtuara.

Në Evropë, rekrutimi ushtarak ekziston në një numër të kufizuar vendesh, pasi shumë prej tyre e kanë hequr shërbimin e detyrueshëm ushtarak në dekadat e fundit, duke zgjedhur forcat e armatosura profesionale.

Megjithatë, disa shtete ende e mbajnë rekrutimin e detyrueshëm, me procedura dhe kohëzgjatje të ndryshme.

LEXONI GJTIHASHTU:

• Drejtonte një rrjet online të pornografisë me fëmijë, arrestohet i riu në Kroaci
• EMRAT| Kroacia bllokoi 8 tonë domate me pesticide, 3 të arrestuar në Berat