U sanksionua nga SHBA, kompania ruse Lukoil do të shesë aksionet jashtë vendit

Prodhuesi i dytë më i madh i naftës në Rusi, Lukoil, ka njoftuar se do të shesë asetet e tij ndërkombëtare jashtë vendit, pasi Uashingtoni njoftoi sanksione kundër tij dhe kompanisë Rosneft, javën e kaluar.

Kompania e Rosneft dhe Lukoil përbëjnë 55% të prodhimit të naftës në Rusi.

“Për shkak të vendosjes së masave kufizuese kundër kompanisë dhe degëve të saj nga disa shtete, kompania njofton qëllimin e saj për të shitur asetet e saj ndërkombëtare”, tha Lukoil, duke shtuar se procesi i tenderimit ka filluar tashmë.

SHBA vendosi sanksioneve ndaj dy kompanive më të mëdha të naftës në Ruse, Rosneft dhe Lukoil, me qëllimin e qartë për të bllokuar të ardhurat e Rusisë për shkak të “mungesës së angazhimit serioz të saj në një procesi paqeje për t’i dhënë fund luftës në Ukrainë”.

LEXONI GJITHASHTU:

• Orban pritet të bisedojë me Trump për sanksionet ndaj naftës ruse
• Trump vendos sanksione ndaj dy kompanive më të mëdha të naftës ruse