Polonia planifikon të ndërtojë murin e vet kundër dronëve

Polonia po planifikon të fillojë nërtimin e një sistemi anti-dronë brenda disa muajve të ardhshëm, pa pritur që të zbatohet iniciativa e Bashkimit Evropian për ndërtimin e murit anti-dronë.

Këto plane u zbuluan nga vet zëvendësministri polak i Mbrojtjes, Cezary Tomczyk, këtë të martë.

“Ne pajtohemi me idenë e forcimit të mbrojtjes së qiellit në të gjithë Bashkimin Evropian dhe jemi të gatshëm të shqyrtojmë propozime ose zgjidhje të jashtme. Por ne u japim përparësi projekteve kombëtare”, tha ai.

Tomczyk tha se ministria do të njoftonte investime në teknologji për zbulimin, bllokimin dhe neutralizimin e dronëv, si pjesë e një programi më të gjerë të mbrojtjes ajrore.

Tomczyk, theksoi se muri anti-dronë i BE-së mund të “plotësojë” sistemin e Polonisë në të ardhmen.

Ai shtoi se ministria planifikon të përdorë programin e ri të kredisë mbrojtëse SAFE të BE-së për të financuar mburojën kundër dronëve të vendit, por nuk pranoi të jepte detaje të mëtejshme.

Sipas raportimeve, duke pasur parasysh kufijtë e Polonisë me Rusinë, Bjellorusinë dhe Ukrainën, ajo kishte marrë ndarjen më të madhe fillestare në kuadër të programit SAFE – 43.7 miliardë euro.

Qeveria dëshiron që elementët e parë të rinj të sistemit anti-dronë të bëhen funksionalë brenda tre muajve nga njoftimi, me të gjithë sistemin plotësisht funksional brenda dy vjetësh.

“Një armë kundër-dron duhet të jetë gjithëpërfshirëse. Duhet të përbëhet nga sensorë dhe efektorë të ndryshëm që veprojnë njëkohësisht, së pari duke zbuluar dhe identifikuar objektet dhe më pas duke i neutralizuar ato”, tha Tomczyk.

Ai shtoi se iniciativat e reja kundër dronëve do të bëheshin “një shtresë tjetër” e rrjetit të mbrojtjes ajrore të vendit, së bashku me sistemet me rreze të gjatë dhe të mesme veprimi që janë tashmë të vendosura.

LEXONI GJTIHASHTU:

• Pedagogu nga Polonia: Rusia nuk tërhiqet, nuk është e dobët aq sa duam
• Tetë të arrestuar për spiunazh në Poloni, të lidhur me inteligjencë të huaj