Vidhen statujat romake nga Muzeu Kombëtar në Damask

Të dielën, disa hajdutët kanë hyrë me forcë në muzeun kombëtar të Sirisë dhe kanë vjedhur disa statuja të lashta që datojnë që nga epoka romake, thanë zyrtarët vendas.

Muzeu Kombëtar i Damaskut u mbyll për një kohë të shkurtër pasi grabitja u zbulua të hënën në mëngjes.

Muzeu më i madh i vendit, i cili u rihapur në janar të 2025, pasi vendi po rikuperohej nga lufta civile 14-vjeçare dhe rënia e sundimit 54-vjeçar të familjes al-Assad, vitin e kaluar, përmbante statuja të epokave të ndryshme historike.

Pas fillimit të luftës civile në mars të vitit 2011, siguria në këtë muze u përmirësua me porta metalike dhe kamera, ku autoritetet zhvendosën qindra objekte me vlerë nga i gjithë Damasku.

Një zyrtar nga Drejtoria e Përgjithshme për Antikitete dhe Muze të Sirisë tha se gjashtë statuja mermeri u vodhën dhe se një hetim ishte duke vazhduar.

Ndërkohë, një tjetër tha se vjedhja ndodhi të dielën në mbrëmje dhe u zbulua kur një nga dyert u gjet e thyer të hënën në mëngjes.

Shefi i policisë në Damask, gjeneral brigade Osama Atkeh, tha më vonë se përveç statujave, edhe disa objekte të rralla koleksionimi u vodhën nga muzeu. Ndërkohë, rojet  dhe individë të tjerë po merren në pyetje.

Drejtoria e Përgjithshme për Antikitetet dhe Muzetë tha në një deklaratë se kishte nisur hetimet dhe se ishin marrë menjëherë masa për të garantuar sigurinë e objekteve të tjera brenda muzeut. Ajo nuk tha se çfarë ishte vjedhur, duke shtuar se vetëm se “disa ekspozita” u zhdukën.

Seksioni i muzeut ku u raportua statujat e vjedhura, është një departament i pasur me objekte që datojnë që nga periudhat helenistike, romake dhe bizantine.

Muzeu u rihap më 8 janar, një muaj pasi rebelët rrëzuan presidentin Bashar al-Assad, duke sjellë një epokë të re për vendin.

Vitet e konfliktit kishin prekur zonat, përfshirë qytetin historik qendror të Palmyra-s, dikur të mbajtur nga grupi i Shtetit Islamik.

Në vitin 2015, anëtarët e ISIS-it shkatërruan monumentin e Trashëgimisë Botërore të UNESCO-s në Palmyra, i cili është i famshëm për kolonat romake 2000-vjeçare dhe artefaktet e paçmuara.

LEXONI GJITHASHTU:

• Picasso ishte midis të dyshuarve për vjedhjen e Mona Lisës nga Luvri në vitin 1911
• Vjedhje prej 409 mijë euro në një biznes tekstilesh në Tiranë, arrestohet punonjësi