Rusia pengon një komplot që synonte të vriste një zyrtar rus, akuzon Ukrainën

Rusia pretendon se ka penguar një komplot ukrainas për të vrarë një zyrtar të lartë qeveritar në një varrezë në Moskë, raporton Reuters.

Në një deklaratë, shërbimi i sigurisë FSB tha se inteligjenca ukrainase planifikonte të vriste zyrtarin e lartë, i cili nuk është identifikuar për publikun, ndërsa vizitonte varret e të afërmve.

FSB tha se kishte arrestuar tre persona në lidhje me komplotin, i cili dyshohet se përfshinte një kamerë të kontrolluar nga distanca të fshehur brenda një vazo me lule.

FSB-ja akuzoi gjithashtu Kievin për planifikimin e sulmeve të ngjashme “nën drejtimin e agjencive të inteligjencës perëndimore”.

Ndërkohë, muajin e kaluar, Kievi mori përgjegjësinë për një shpërthim autobombë në Siberi që vrau një komandant rus të akuzuar për krime lufte.

Në prill, komandanti i lartë Yaroslav Moskalik vdiq pasi një makinë shpërtheu në një qytet pak jashtë Moskës.

LEXONI GJITHASHTU:

• Rusia nuk ka plane për të sulmuar NATO-n, por është përgatitur për…
• Rusia godet Kievin me 430 dronë dhe 18 raketa, katër të vrarë dhe 26 të plagosur