Sulme ajrore ruse në Kharkiv, 4 viktima dhe 17 të plagosur

4 persona u vranë dhe 17 të tjerë u plagosën mbrëmjen e së dielës nga sulmet e forcave të armatosura ruse në Kharkiv, në pjesën verilindore të territorit ukrainas. Kryetari i bashkisë së Kharkivit, Ihor Terekhov nëpërmjet Telegramit tha se u regjistruan 15 sulme ruse në gjashtë zona.

“Për momentin dihet se 17 persona janë plagosur. Katër persona kanë vdekur”, shtoi ai.

Sipas shërbimeve të emergjencës, sulmet u kryen me mjete ajrore pa pilot, duke shkatërruar ndërtesa dhe duke shkaktuar zjarre në tre pallate dhe infrastrukturë civile.

Rusia vazhdon të godasë Ukrainën pothuajse çdo ditë me dronë ose raketa. Ajo po synon infrastrukturën energjetike, duke ngritur shqetësime për një dimër shumë të vështirë. Forcat e Kievit po nisin bastisje kundër impianteve të magazinimit të karburantit, rafinerive dhe impianteve të tjera në territorin rus.

Zyrtarët ukrainas, amerikanë dhe evropianë u takuan të dielën në Zvicër për të diskutuar një plan të presidentit të SHBA-së Donald Trump për t’i dhënë fund luftës që shpërtheu në shkurt 2022.

LEXONI GJITHASHTU:

• Gara e re hapësinore: Këto janë strategjitë e ndryshme hapësinore në Evropë
• Marina mbretërore britanike ndalon dy anijet ruse në ujërat territoriale