Analiza e “NYT”: Presidenti Trump, më pak evente publike dhe më i lodhur

Kur është bërë thuajse një vit nga mandati i dytë, amerikanët e shohin Donald Trump më pak se më parë dhe vetë miliarderi ka më pak evente publike dhe udhëton më pak në vendin e tij nga sa bënte në të njëjtën fazë të të mandatit të parë, në 2017-n.

Kështu shkruan prestigjiozja “New York Times”, që ka analizuar programin ditor të presidentit të Shteteve të Bashkuara, ku megjithatë bie në sy shpeshtimi i udhëtimeve jashtë shtetit.

“Edhe pse Trump e ka bërë forcën fizike dhe energjinë e tij një nga pikat e forta, shpesh herë duke vënë në lojë paraardhësin e tij Joe Biden, agjenda e tij ka më pak angazhime dhe një program pranish publike më të shkurtër se në të kaluarën, duke qenë se shumica e shfaqjeve të tij publike ndodh në media mes mesditës dhe orës 17:00”, shkruan “New York Times”.

Sipas gazetës amerikane, realiteti është edhe më i komplikuar pasi Trump, 79 vjeç, është personi më i moshuar që është zgjedhur ndonjëherë në krye të presidencës dhe po plaket.

Analiza e kryer mbi kalendarët presidencialë që ndodhen në një bazë të dhënash sugjeron se eventi i parë zyrtar i Trump fillon vonë gjatë ditës.

Në 2017-n, viti i parë i mandatit të tij, eventet e programuara të Trump fillonin mesatarisht në 10 e 31. Ndërsa në të dytin, miliarderi i nis eventet e programuara mediatike 8 minuta pas mesdite. Gjithashtu, ngjarjet përfundojnë thuajse në të njëjtën orë me ato të vitit 2017, pra pak pas 17:00.

Numri total i paraqitjeve zyrtare të Trump është tkurrur me 39 për qind. Ndërsa në 2017-n ai ka mbajtur 1.688 evente zyrtare mes 20 janarit dhe 25 nëntorit, në të njëjtën periudhë të vitit aktual presidenti është shfaqur në vetëm 1.029 evente zyrtare.

LEXONI GJITHASHTU:

• Trump reagon sërish për bisedimet mbi paqen Ukrainë-Rusi
• Trump fal 2 gjela deti para Ditës së Falënderimeve