Rubio: Bisedimet për paqen në Ukrainë janë produktive, por të ndërlikuara

1 Dhjetor 2025 | 15:28

Zyrtarë nga Ukraina dhe Shtetet e Bashkuara kanë zhvilluar bisedime që synojnë krijimin e “garancive të besueshme të sigurisë” për Kievin, si pjesë e një plani paqeje të mbështetur nga Uashingtoni për t’i dhënë fund luftës së Rusisë.

Sekretari i Shtetit i SHBA-së, Marco Rubio, i cili u takua me një delegacion ukrainas të udhëhequr nga kreu i Këshillit të Sigurisë dhe Mbrojtjes Kombëtare të Kievit, Rustem Umerov, tha se diskutimet e së dielës ishin “produktive”, por se ka “më shumë punë për t’u bërë”.

“Kjo është delikate. Është e ndërlikuar”, tha ai.

Bisedimet u zhvilluan në Florida dhe përfshinin Witkoff dhe dhëndrin e Presidentit të SHBA-së Donald Trump, Jared Kushner.

“Ne vazhdojmë të jemi realistë se sa e vështirë është kjo, por optimistë, veçanërisht duke pasur parasysh faktin se, ndërsa kemi bërë përparim, mendoj se ekziston një vizion i përbashkët këtu se kjo nuk ka të bëjë vetëm me përfundimin e luftës”, u tha Rubio gazetarëve pas përfundimit të bisedimeve.

“Bëhet fjalë për sigurimin e së ardhmes së Ukrainës, një të ardhme që shpresojmë të jetë më e begatë se kurrë”, shtoi ai.

Rubio tha se SHBA-të kanë qenë në kontakt “në shkallë të ndryshme” me zyrtarët rusë dhe kanë “një kuptim mjaft të mirë të pikëpamjeve të tyre gjithashtu”.

Bisedimet erdhën një javë pasi Rubio dhe negociatorët ukrainas u takuan në Gjenevë të Zvicrës, për të rishikuar planin e paqes të Trump, i cili fillimisht u kritikua si një listë dëshirash ruse.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Vazhdojnë bisedimet Izrael-Liban në Uashington

Bisedimet e ndërmjetësuara nga SHBA-të midis Izraelit dhe Libanit, të cilat ishin planifikuar të përfundonin mbrëmë, do të vazhdojnë edhe këtë të premte në Uashington....
09:25 | 26/06/2026

Treni përplas makinën në Britani, humb jetën shoferja. Pasagjerja 8-vjeçare në gjendje kritike

Një grua ka vdekur dhe një vajzë 8-vjeçare po lufton për jetën e saj pasi një tren u përplas me një makinë në një kalim hekurudhor në...
09:20 | 26/06/2026

Ndalimi i rrjeteve sociale për adoleshentët, Australia synon masa më të ashpra

Kryeministri i Australisë tha të premten se ishte i prirur të sigurohej që ndalimi i mediave sociale për fëmijët në vend të ishte sa më...
09:18 | 26/06/2026