Përplasje e dhunshme mes fermerëve grekë dhe policisë, protestuesit gjuajnë me gurë

Incidente të dhunshme janë regjistruar midis fermerëve grekë dhe forcave të policisë gjatë protestave në Heraklion dhe Hania. Fermerët hynë në aeroportin Nikos Kazantzakis në Heraklion dhe e kanë bllokuar atë deri në njoftim të mëtejshëm.

Fermerët në Hania përmbysën një makinë patrullimi dhe e shkatërruan duke e goditur me sende të forta. Mësohet se dy oficerë policie u plagosën në incidente. Fermerët kanë hedhur gurë në drejti të policisë ndërsa efektivët u përgjigjën me gaz lotsjellës.

Mjetet bujqësore janë parkuar në rrugë duke sjellë trafik nga Heraklioni në aeroport që është praktikisht i pakalueshëm. Me mbërritjen e fermerëve në aeroport, u bënë përpjekje për të negociuar me policinë që të zhvillojnë protestën në mënyrë paqësore për 3 orë.

Megjithatë, kërkesa e tyre nuk u pranua nga forcat e policisë, duke rezultuar në përpjekjen e demonstruesve për të thyer kordonin dhe reagimin e policisë duke filluar incidente të tjera.

LEXONI GJITHASHTU:

• Si operojnë kompanitë e Elektroprivredës së Serbisë me seli fiktive në Kosovë?
• Kthimi te Santos, Neymar mbyll sezonin me shpëtim dhe dilema për të ardhmen