Albanese i përgjigjet Netanjahu: S’ka lidhje njohja e Palestinës me sulmin në Sidney

Kryeministri australian Anthony Albanese hodhi poshtë sot pretendimin e kryeministrit izraelit Benjamin Netanyahu se njohja e shtetit të Palestinës nga Australia shkaktoi një sulm terrorist.

I pyetur nëse e pranon lidhjen midis njohjes së shtetësisë palestineze dhe masakrës në plazhin Bondi, Albanese tha se nuk e pranon dhe se në një masë të madhe, shumica e botës e njeh zgjidhjen me dy shtete si rrugën drejt përparimit në Lindjen e Mesme, raporton Guardian.

“Si Kryeministër i Australisë në këtë moment, është detyra ime të bashkoj kombin, të promovoj unitetin dhe të them se ky është një moment uniteti kombëtar kur duhet të bashkohemi”, tha Albanese.

Ai tha gjithashtu se ajo që kemi parë në 24 orët e fundit ishte shprehja më e keqe e njerëzimit në një akt terrorist, por se pamë edhe një shembull të njerëzimit më të mirë te Ahmed al-Ahmed, i cili vrapoi drejt rrezikut, duke rrezikuar jetën e tij dhe i cili u qëllua dy herë nga një sulmues tjetër ndërsa me guxim i rrëmbente një armë njërit prej terroristëve.

LEXONI GJITHASHTU:

Masakra në Sidney/ Izraeli akuzon Australinë për heshtje ndaj antisemitizmit