Plagosën me armë dhe dogjën elefantin, arrestohen 3 persona në Sri Lanka
Tre burra janë u arrestuan në Sri Lanka të enjten, pasi një video që i tregonte ata duke djegur të gjallë një elefant të egër shkaktoi zemërim në mediat sociale. Të dyshuarit, të moshës midis 42 dhe 50 vjeç, u morën në paraburgim në distriktin Anuradhapura, rreth 200 kilometra nga kryeqyteti Kolombo.
Ata do të qëndrojnë në paraburgim deri më 24 dhjetor, në pritje të rezultateve të hetimit për incidentin. Sipas agjencisë së menaxhimit të jetës së egër, elefanti fillimisht u plagos nga të shtënat dhe më pas iu vu flaka. Përpjekjet e veterinerëve për t’i shpëtuar jetën ishin të pasuksesshme.
Elefantët konsiderohen të shenjtë në Sri Lanka dhe mbrohen me ligj, por fermerët ndonjëherë i vrasin ata sepse u shkatërrojnë të mbjellat. Gjuetarët e paligjshëm që vrasin një elefant mund të dënohen edhe me vdekje. Megjithatë, në vend nuk janë kryer ekzekutime që nga viti 1976 dhe dënimi me vdekje shndërrohet automatikisht në burgim të përjetshëm.
Në pesë vitet e fundit, rreth 400 elefantë dhe 200 njerëz kanë humbur jetën në incidente midis tyre. Sri Lanka është shtëpia e rreth 7,000 elefantëve të egër, të cilët konsiderohen një thesar kombëtar sepse janë kafshë shumë të rëndësishme për adhurimin budist.
LEXONI GJITHASHTU:
Numri i të vdekurve nga tërmetet në Venezuelë rritet në 589
Departamenti i Thesarit i SHBA-së heq përkohësisht disa sanksione ndaj Venezuelës pas tërmetit
Një tërmet i fuqishëm godet Japoninë, sa ishte magnituda
- 17:09 Numri i të vdekurve nga tërmetet në Venezuelë rritet në 589
- 17:01 Volkswagen planifikon të shkurtojë deri në 100,000 vende pune dhe ndoshta të mbyllë fabrikat
- 16:47 Departamenti i Thesarit i SHBA-së heq përkohësisht disa sanksione ndaj Venezuelës pas tërmetit
- 16:45 Një tërmet i fuqishëm godet Japoninë, sa ishte magnituda
- 16:42 Tërmete të reja të forta në Japoni dhe Filipine
- 16:39 Plazhet publike me pagesë, Ministri Gonxhja: Disa janë tarifuar 1 mijë lekë të reja, lidhet me kostot e larta të mirëmbajtjes