KiE dhe Parlamenti Evropian marrëveshje për listën e vendeve të sigurta të origjinës

Negociatorët e Parlamentit dhe Këshillit Evropian kanë arritur një marrëveshje politike mbi krijimin e një liste të BE-së me vendet e sigurta të origjinës për të përshpejtuar përpunimin e kërkesave për azil.

Të enjten, eurodeputetët arritën një marrëveshje joformale me Këshillin për krijimin e një liste të vendeve të sigurta të origjinës në të gjithë BE-në, siç është propozuar nga Komisioni. Kërkesat e azilkërkuesve nga Bangladeshi, Kolumbia, Egjipti, Kosova, India, Maroku dhe Tunizia sipas vendimit do të shqyrtohen me procedurë të përshpejtuar.

Marrëveshja midis Këshillit dhe Parlamentit Evropian vjen më pak se dy javë pasi Këshilli finalizoi qëndrimin e tij mbi projektligjin. Ky përparim i shpejtë në procesin legjislativ vjen pas një thirrjeje për veprim nga krerët e shteteve ose qeverive të BE-së për të përshpejtuar punën në lidhje me emigracionin, veçanërisht konceptet e vendeve të treta të sigurta dhe vendeve të sigurta të origjinës.

Lista mund të zgjerohet në të ardhmen sipas procedurës së zakonshme legjislative të BE-së. Koncepti i vendit të sigurt të origjinës u lejon shteteve anëtare të krijojnë një sistem të posaçëm për shqyrtimin e kërkesave për mbrojtje ndërkombëtare.

Sipas rregullores së procedurës së azilit të vitit 2024, shtetet anëtare duhet të zbatojnë një procedurë të përshpejtuar për aplikantët nga një vend i sigurt i origjinës dhe mund ta kryejnë atë në kufi ose në zonat e tranzitit.

Rregullat e vendit të sigurt të origjinës bazohen në premisën se aplikantët nga një vend i tillë supozohet se kanë mbrojtje të mjaftueshme kundër rrezikut të persekutimit ose shkeljeve të rënda të të drejtave të tyre themelore. Vendet jo-anëtare të BE-së mund të përcaktohen si vende të sigurta të origjinës vetëm kur ato përmbushin një prag të lartë sigurie.

Important step for the Pact on Migration and Asylum – Council and @Europarl_EN agreed on the first-ever EU list of safe countries of origin.

This will enable faster, more effective asylum procedures and returns for those not in need of protection. 👇https://t.co/U2WNvPOquN pic.twitter.com/qO4i9WL4Yu

— EU Council (@EUCouncil) December 18, 2025

LEXONI GJITHASHTU:

• Tre roje kufitare ruse hynë në territorin estonez, rritet siguria në kufi
• Plagosën me armë dhe dogjën elefantin, arrestohen 3 persona në Sri Lanka