Dronët dhe AI ndryshojnë mënyrën e rritjes së pemëve të Krishtlindjeve

Me afrimin e sezonit të festave, tregtarët e pemëve po mbushin sërish rrugët dhe sheshet e qyteteve në Europë me bredha të mbjellë për shtëpi, zyra dhe hapësira publike. Por mënyra se si kultivohen këto pemë po ndryshon.

Në Danimarkë, disa fermerë kanë nisur të përdorin dronë për të skanuar fushat dhe inteligjencën artificiale (AI) për të numëruar dhe matur pemët. Danimarka është prodhuesi i dytë më i madh i pemëve të Krishtlindjeve në Europë pas Gjermanisë dhe eksportuesi më i madh në botë.

Një kompani serbe e inteligjencës artificiale, Agremo, tregoi se një fermë familjare në Danimarkë po përdor tani dronë dhe analiza satelitore për t’i numëruar.

Sistemi i Agremo mund të skanojë një plantacion prej 100 hektarësh në rreth 30 minuta dhe të numërojë pemët me saktësi deri në 98% brenda 24 orësh.

Në Shtetet e Bashkuara, Universiteti i Shtetit të Karolinës së Veriut ndihmon fermerët përmes programit të saj “Christmas Tree Extension”, duke dhënë këshilla praktike dhe të bazuara në hulumtime. Dronët po zëvendësojnë tani punën që më parë kërkonte 5-10 persona.

Dronët kushtojnë rreth 25,600 euro, dhe softueri, trajnimi dhe rregullat e aviacionit mund të bëjnë adoptimin e tyre të vështirë për fermerët e vegjël. Në Danimarkë, dronët përdoren kryesisht nga kompanitë e mëdha për inventarizim.

Megjithatë, interesimi po rritet dhe adoptohet gjithnjë e më shumë, veçanërisht te brezi i ri i fermerëve që është më i aftë teknologjikisht.