Kakavijë, 20 mijë persona lëvizën në kufi në fundjavën e fundit të 2025-ës

Fundjava e fundit e 2025-ës në doganën e Kakavijës ka regjistruar një fluks të lartë të lëvizjes në kufi.

Sipas Policisë Kufitare janë rreth 20 mijë persona dhe 6 mijë automjete që gjatë fundjavës kaluan në sportelet e hyrje-dalje në Stacionin Kufitar të Kakavijës. Në 24-orët e fundit në këtë doganë kanë kaluar 9319 shtetas në hyrje-dalje, nga të cilët 5391 në hyrje dhe 3928 në dalje, si dhe 3036 mjete në hyrje-dalje, nga të cilat 1596 në hyrje dhe 1440 në dalje.

Policia Kufitare ka marrë masat për shtimin e sporteleve të kontrollit të dokumentave ndërsa në fundjavë nuk u regjistruan radhë të gjata pritje në tokën greke. Janë mbi 100 mijë persona të cilët kanë lëvizur në kufirin me Greqinë në këto ditë të festave të fundvitit, shifër kjo më e lartë krahasuar me vitin e kaluar.