Ujësjellës Kanalizime Vlorë: Ka nisur furnizimi me ujë! 48 orët e para të mos përdoret për konsum

Ujësjellës Kanalizime Vlorë ka dalë me një njoftim zyrtar lidhur me përfundimin e riparimit të dëmit në tubacionin 1000 mm. Ujësjellësi thekson se riparimi ka përfunduar dhe sistemi është vënë në punë në orët e para të mëngjesit të kësaj të marte.

Gjithashtu ka nisur furnizimi me uji në disa zona teksa ujësjellësi thekson se pjesa tjetër e qytetit do të furnizohet pasditen e sotme. Ujësjellës ka bërë thirrje që uji për 48 orët e para të mos përdoret për komsum dhe gatim.

“Ujësjellës Kanalizime Rajoni Vlorë, njofton qytetarët për përfundimin e riparimit të avarisë së rëndë në rrjetin e furnizimit me ujë. Sistemi i prodhimit është vendosur në funksion prej orëve të para të mëngjesit.

Zona 24 orëshe ka nisur furnizimin me ujë. Pjesa tjetër e qytetit do të furnizohet në orarin e pasdites. Ujësjellës Kanalizime Rajoni Vlorë, në bashkëpunim me Njësinë Vendore të Kujdesit Shëndetësor do të ndjek protokollin zyrtar për kontrollin e cilësisë së ujit dhe matjen e parametrave.

Ne keto kushte kërkojmë mirëkuptimin tuaj që uji të përdoret vetëm për përdorim të jashtëm për 48 orët e para, jo për konsum dhe gatim.

Ju kërkojmë ndjesë për shqetësimin e krijuar gjatë këtyre ditëve dhe ju falenderojmë për mirëkuptimin dhe bashkëpunimin tuaj”, thuhet në njoftim.