VIDEO/ I shoqëruar nga oficerë të armatosur, Maduro transportohet në gjykatë me helikopter

Nicolas Maduro u largua nga Qendra Metropolitane e Paraburgimit në Brooklyn, New York, të hënën në mëngjes për t’u transportuar në gjykatën e Bruklinit, ku është planifikuar të paraqitet në gjykatë më vonë sot me gruan e tij, Celia Flores.

Maduro, i cili mbante veshur një kostum kafe dhe këpucë portokalli, u shoqërua nga oficerë policie të armatosur me një helikopter që e çoi atë pranë gjykatës. Nga atje, ai u mor nga një furgon i blinduar për t’u transportuar në gjykatën e Bruklinit.

Kujtojmë se  Maduro dhe gruaja e tij Celia Flores përballen me akuza për trafik droge në SHBA.

Ndërkohë, SHBA-të kapën Maduro, pas një sulmi në shkallë të gjerë në vendin e Amerikës së Jugut. Kapja e Maduros vjen pas tensioneve të larta midis dy vendeve, me Uashingtonin që sulmoi anijet në Karaibe që thotë se përdoren për të transportuar drogë.

SHBA-të e kanë akuzuar presidentin venezuelian se është personalisht i përfshirë në kontrabandën e drogës dhe se është një udhëheqës i paligjshëm, ndërsa Maduro ka akuzuar SHBA-të për kërcënim.

Prokurorja e Përgjithshme e SHBA-së, Pam Bondi, tha se Maduro dhe gruaja e tij, Zonja e Parë Cilia Flores, ishin paditur në Distriktin Jugor të Nju Jorkut.

Ata janë akuzuar për komplot për të kryer narkoterrorizëm dhe importim kokaine, posedim të mitralozëve dhe pajisjeve shkatërruese, si dhe komplot për të poseduar mitralozë dhe pajisje shkatërruese kundër SHBA-së.