Inter e nis mbarë vitin 2026, regjistron fitoren e pestë radhazi në Serinë A

Interi e ka nisur mbarë vitin e ri 2026, ku regjistroi një tjetër fitore e cila është e pesta radhazi në Serinë A. Ziklatrit qëndrojnë në krye dhe ndiqen nga Milan dhe Napoli.

Me një dominim absolut, 3 gola të shënuar dhe disa raste të humbura, Inter mori fitoren e radhës në kampionatin Italian, duke e nisur me këmbën e mbarë 2026-ën. Zikaltrit triumfuan ndaj Bolonjës në shtëpi, ndërsa mbrojnë vendin e parë në klasifikim, teksa beteja duket se do të jetë e fortë deri në përfundim. Pjesa e parë u mbyll me avantazhin minimal të skuadrës së udhëhequr nga Christian Chivu, që shënoi me Zielinskin.

Në fraksionin e dytë, pas disa rasteve të shpërdoruara kapiteni Lautaro Martinez dyfishoi shifrat e pas tij Thuram dërgoi rezultatin në 3-0. Bolonja reagoi 7 minuta nga fundi me Castron, por pa mundur të ofrojë dicka më tepër, duke bërë që Inter të triumfojë 3-1 dhe shkojë në kuotën e 39 pikëve, 1 më tepër se Milan dhe 2 përpara Napolit. Këta të fundit bënë detyrën ndaj Lazios që e mposhtën mesditën e së dielës.

Një paraqitje pozitive dhe e mbrojtësit të Kosovës Amir Rrahmani, që shënoi një prej golave në fitoren 0-2, pasi tjetri kishte si autor Spinazzolën. Sa i përket klasifikimit, në vendin e katërt është Juventus që barazoi këtë javë e më pas Roma e Como.