Pas 20 vitesh betejë ligjore, shembet kisha serbe në Bosnje

Autoritetet boshnjake shembën një kishë ortodokse serbe që ishte ndërtuar në mënyrë të paligjshme në tokën e cila ishe në pronësi të një gruaje boshnjake, një veprim që merr jetë pas një beteje ligjore 20-vjeçare.

Ne tetor të vitit 2019, Gjykata Evropiane e të Drejtave të Njeriut mori vendimin për shembjen e saj.

Kisha u ndërtua menjëherë pasi Orloviç dhe familja e saj u dëbuan nga fshati gjatë Luftës së Bosnjës.

“Unë fitova. Unë fitova në këtë histori, por jam e rraskapitur. Unë u shtrova në spital 23 herë, por mbijetova dhe fitova. Unë fitova serish pronën time,” – u shpreh Fata Orlovic, gruaja që luftoi për 20 vjet për të shembur kishën nga oborri i saj.

Bashkëshorti i i Orloviç ishte një nga 8.000 burrat dhe djemtë boshnjak mysliman të vrarë nga forcat serbe të Bosnjës në Serbrenic në 1995, masakra më e rëndë e konfliktit etnik.

“Ne ishim aq të lumtur kur ata filluan prishjen e strukturës pas 25 vjetësh. Ajo ishte aq e lumtur, dhe ne jemi gjithashtu të lumtur,” – tregoi vajza e Orloviç.

Pas kthimit në fshatin e saj pas luftës, kërkesat e Orloviç që kisha të hiqej u injoruan. Në vitin 2000, ajo nisi procedurat ligjore për të detyruar autoritetet e Republika Srpska, të respektojnë vendimin.

Ky rajon është kontrolluar nga serbët që prej përfundimit të luftës, kur Bosnja u nda në dy entitete, federata e myslimanëve dhe kroatëve dhe entiteti i udhëhequr nga serbët, që njihet  si Republika Srpska.

LEXONI GJITHASHTU: 

• Një pyll shfaqet brenda natës në Bienalen e Dizajnit në Londër
• Taksa për “gjigantët” e teknologjisë, Amazon dhe Google mund të preken nga tatimi prej 15%
• Një kod për turistët, plani i ri për mbrojtjen e vizitorëve në rast emergjence