Vrasja e Petrit Ndout, caktohet “Arrest me burg” për tre të dyshuarit

Gjykata Penale e Tiranës ka caktuar masën e sigurimit “arrest në burg” për tre të dyshuarit lidhur me vrasjen e Petrit Ndout. Në qeli janë dërguar Andis Vokrri, Fatjon Kulla dhe Lorenc Sula.

Gjatë seancës, të dyshuarit kanë mohuar përfshirjen në ngjarje. Dyshimet kryesore bien mbi 27-vjeçarin Andis Vokrri, i cili ka pranuar vetëm përplasjen fizike dhe verbale me viktimën, por ka mohuar se e ka goditur me çekic dhe ka deklaruar se nuk ka pasur një mjet të tillë me vete.

Prokuroria ka kërkuar arrest në burg deri në sqarimin e plotë të rrethanave dhe analizimin e pamjeve filmike të ngjarjes.