Stuhia shkaktoi probleme, rikthehet energjia elektrike në kryeqytetin e Groenlandës

Energjia elektrike u rikthye të dielën në kryeqytetin e Groenlandës, Nuuk i cili kishte ndërprerje pasi një stuhi shkaktoi rënien e një kabulli me tension të lartë, duke lënë mijëra njerëz pa energji elektrike dhe ngrohje në zemër të dimrit.

Furnizimi me energji elektrike u ndërpre papritur të shtunën, në mbrëmje në të gjithë Nuuk-un. Kompania e energjisë elektrike Nukissiorfiit, e cila furnizon Nuuk-un me energji elektrike nga stacioni hidroelektrik Buksefjord në juglindje të kryeqytetit, tha se energjia elektrike u rikthye rreth orës 04:30 të mëngjesit.

Banorët e Groenlandës janë mësuar me ndërprerjet e energjisë elektrike, të shkaktuara shpesh nga dimri i ashpër që dëmton kabllon e tensionit të lartë, i cili kalon nëpër terren të thyer dhe përshkon dy fjorde.

Tre ditë para dëmit, qeveria kishte përditësuar rekomandimet e saj të gatishmërisë për qytetarët, duke i këshilluar ata, ndër të tjera, të kishin ujë dhe ushqim në shtëpi për pesë ditë. Groenlanda prej kohësh ka qenë në qendër të vëmendjes pas tensioneve mbi kërkesën e Presidentit të SHBA-së Donald Trump që SHBA-të të merrnin këtë territor autonom danez.