Pas një defekti që shkaktoi një humbje jete, gjobitet parku suedez rreth 588 mijë dollarë

Një park argëtimi në Suedi është gjobitur me rreth 588 mijë dollarë (491 mijë euro) për një aksident të rëndë me rollercoaster që ndodhi në vitin 2023, ku humbi jetën një pasagjer dhe u plagosën nëntë të tjerë.

Tragjedia ndodhi më 25 qershor 2023 në atraksionin Jetline, në parkun Gröna Lund në Stokholm. Sipas dëshmitarëve, ngjarja ishte kaotike: pjesa e përparme e trenit doli nga shinat përpara se të ndalonte, ndërsa një vagon u përkul drejt tokës. Tre persona u hodhën nga mjeti gjatë aksidentit.

Gjykata e Qarkut të Stokholmit vendosi të mërkurën se krahu mbështetës i Jetline, një komponent kyç i sigurisë, u thye në makinën e parë. Si pasojë, pjesa e poshtme e trenit goditi nyjet e shinave, duke shkaktuar një thyerje të papritur dhe të dhunshme që nxori pasagjerët jashtë shinat. Gjykata konstatoi gjithashtu se disa sisteme sigurie dështuan.

Në vendimin e saj, gjykata gjobiti kompaninë prodhuese Göteborgs Mekaniska me rreth 147 mijë dollarë (122 mijë euro) për saldim të papërshtatshëm dhe kryerje të punimeve për të cilat nuk ishte e kualifikuar. Kjo kompani ka shpallur më pas falimentimin. Ndërkohë, një kompani e dytë prodhuese u shpall e pafajshme dhe u lirua nga akuzat.