Kreu i ARRSH: Rruga Librazhd-Qafë Thanë do hapet shumë shpejt

Kreu i ARRSH-së, Ami Kozeli, në një prononcim për mediat ka dhënë detaje lidhur bllokimin e rrugës Librazhd-Qafë Thanë si pasojë e rënies së një masivi dheu.

Kozeli tha se rruga pritet të hapet shumë shpejt nga firma që përgjigjet për mirëmbajtjen e këtij aksi. Ai shtoi se shembja e rrugës është për shkak të reshjeve të shiut.

“Situata vjen për shkak të reshjeve të dendura të cilat kemi javë të tëra qe i raportojmë. Dallohet qartë mbingopja e shpatit me uji kjo ka shkaktuar rrëshqitje. Kjo është vetëm për shkak të fenomenit natyror.

Kur po vija në vendngjarje pash në media të caktuara se është raportuar se ka ndodhur për shkak të punimeve që po kryhen. Kjo është vetëm për shkak të fenomenit natyror dhe nuk lidhet me punimet ose diçka tjetër.

Ka një gatishmëri të kontraktorit të mirëmbajtjes dhe nga ana e kontraktorit që ishte ne afërsi duke sjellë ne dispozicionet mjetet e tij. Po ndodh pastrimi edhe nga ajo që diskutova me inxhinierin do të ndodhë brenda 30-40 minuta”, tha ai.