VIDEO/ Hapja e qarkullimit te “Kthesat e Dragostunjës”, si paraqitet situata

Këtë të hënë qarkullimi te “Kthesat e Dragostunjës” në Librazhd po vijon normalisht. Mbrëmjen e së dielës u bë e mundur pas 8 orësh që të hapet për qarkullim aksi Librazhd-Qafë Thanë. Siç shihet edhe nga pamjet makinat kalojnë pa problem.

Mbetjet e gurëve dhe dherat janë ende anash rrugës por nuk pengojnë qarkullimin e mjeteve. Të dielën në këtë aksi pati rrëshqitje dherash dhe gurësh duke sjellë bllokimin e aksit.  Fillimisht u hap njëra korsi dhe me pas qarkullimi  i automjeteve vijoi normalisht në të dyja kahet.

Nga kjo situatë mbetën të bllokuar për orë të tëra mijëra qytetarë. Fatmirësisht, nga ky incident nuk u raportuan persona të lënduar.

Autoriteti Rrugor Shqiptar, ARRSH ka mohuar që punimet në këtë aks të jenë shkaku i incidentit, duke ia atribuuar situatën motit të keq dhe reshjeve.

Ekipet e ndërhyrjes punuan për orë të tëra në terren, duke kryer shembjen e kontrolluar të faqes së malit, me qëllim eliminimin e çdo rreziku të mëtejshëm për qarkullimin e mjeteve.