VIDEO/ Kryeministri i Armenisë dhuron spektakël, luan bateri në një koncert në Jerevan

Kryeministri i Armenisë, Nikol Pashinyan ka tërhequr vëmendjen në mediat sociale pasi është shfaqur në skenë në Jerevan duke luajtur në bateri. Ky koncert shënoi herën e parë që Pashinyan shfaqet publikisht si muzikant para një publiku të madh.

Koncerti ishte njoftuar paraprakisht dhe hyrja lejohej vetëm pas regjistrimit online, duke sugjeruar interes të organizuar dhe pjesëmarrje të kontrolluar.

Pashinyan u shfaq me grupin e tij muzikor, të quajtur ” Varchaband “. Emri është një lojë fjalësh, duke kombinuar fjalën armene ” varchapet “, që do të thotë ” kryeministër “, me fjalën angleze ” band”.

Përveç tij, grupi përfshin një pianist, një kitarist, një saksofonist dhe dy këngëtare femra. Megjithatë, Pashinyan nuk është i vetmi udhëheqës botëror që ka shfaqur dashurinw e tij pwr muzikwn.

Kryeministrja aponeze, Sanae Takaichi më parë ka marrë pjesë në një grup heavy metal dhe së fundmi ka luajtur bateri në këngë të njohura K-pop me Presidentin e Koresë së Jugut Lee Jae-myung.