Shqiptarët e Luginës së Preshevës kërkojnë që të jenë pjesë e dialogut Kosovë-Serbi

Shqiptarët e Luginës së Preshevës po kërkojnë që edhe fizikisht të jenë pjesë e dialogut ndërmjet Kosovës dhe Serbisë për të prezantuar kërkesat e tyre.

Përfaqësuesit e Preshevës, Bujanocit e Medvegjës, komuna në jug të Serbisë, thonë se është e pakuptimtë që të bisedohet me Serbinë për normalizim të marrëdhënieve, pa përfshirjen e Luginës së Preshevës.

“Është e rrezikshme ideja që të vendoset fati i Luginës pa përfshirjen dhe pa vullnetin e qytetarëve të Luginës”, është shprehur kryetarja e Komunës së Preshevës, Ardita Sinani.

Znj. Sinani i bëri këto komente duke iu referuar raportimeve të mëhershme se Kosova dhe Serbia mund të bien dakord për gjetjen e një zgjidhjeje, ku përfshihet shkëmbimi i territoreve, sipas të cilit, Kosova do t’i jepte Serbisë një pjesë të veriut të banuar me shumicë serbe, dhe do të merrte Luginën e Preshevës që është e banuar me shumicë shqiptare.

Ajo theksoi se kërkesë e përhershme e tyre mbetet bashkimi me Kosovën.

LEXONI GJITHASHTU:

Kryeministri Albin Kurti tregon “përplasjen” me homologen serbe

Albin Kurti: BE nuk është Evropë pa u anëtarësuar gjashtë vendet e Ballkanit Perëndimor

Skënder Hyseni: Dialogu me Serbinë mund të përmbyllet brenda 2021