KPA e shkarkoi nga detyra, Anton Martini: Dje shteti “pushkatoi” mua dhe familjen time

Komisioni i Posaçëm i Apelimit ka shkarkuar nga detyra Anton Martinin i cili mbante postin e prokurorit, kandidat për Prokurorinë e Posaçme Anti-Korrupsion. Shkarkimi i tij lidhet me problemet me pasurinë.

Për këtë çështje ka pasur dhe një reagim nga vetë Martini i cili tha se e priste vendimin duke qenë se kishte informacione se po “punohej fort dhe në mënyrë të kamufluar” kundër tij.

Dje, shteti im më “pushkatoi” mua dhe familjen time, në mënyrë krejt të padrejtë e të pabesë, shtet për të cilin, prej 23 vitesh punova shumë shumë fort, duke u munduar te ruaj e të mos cenoj për asnjë moment besimin ndaj qytetareve të mi”, u shpreh ish-prokurori.

Sipas tij beteja ligjore do të vijojë derisa e drejta e tij të vihet në vend, teksa nuk la pa falënderuar çdo mik e bashkëpunëtor gjatë viteve të karrierës.

Martini, i cili e ka nisur karrierën në sistemin e drejtësisë rreth 22 vite më parë dhe gjithashtu ka qenë prokuror në Prokurorinë e Krimeve të Rënda, u rendit i dyti nga Këshilli i Lartë i Prokurorisë për të qenë pjesë e Prokurorisë së Posaçme, SPAK.

LEXONI GJITHASHTU: 

• Probleme me pasurinë, KPA shkarkon prokurorin Anton Martini
• Komisioneri Publik kërkon shkarkimin e prokurorit Anton Martini
• Komisioni i vetingut, ditë të ngjeshur me seanca dëgjimore