Gjirokastër, ekspozitë librash në Ditën Ndërkombëtare të Gjuhës Amtare

Biblioteka “Apostol Meksi” në Gjirokastër në Ditën Ndërkombëtare të Gjuhës Amtare çeli një ekspozitë libri. Në këtë aktivitet u prezantuan fjalorë, studime gjuhësore dhe albanologjike dedikuar gjuhës amtare

“Me rastin e Ditës Ndërkombëtare të Gjuhës Amtare biblioteka “Apostol Meksi” çeli ekspozitë libri, në të cilën u prezantuan larmishmëri botimesh si: fjalorë, studime gjuhësorë, albanologjike”, thotw Anisa Bashari, bibliotekare.

Kjo bibliotekë numëron rreth 120 mijë ekzemplarë të cilët tërheqin lexues të profesioneve dhe moshave të ndryshme.

“Frekuentimi i lexuesve është i rregullt, ka të moshave të ndryshme, studentë, nxënës dhe lexuesit që janë të rregullt të bibliotekës, preferojnë më shumë librat artistikë, romanët, pastaj ka edhe studiues të tjerë që preferojnë veprat studimorë, kritikën letrare, janë edhe studentë që preferojnë librat e programit mësimor”, shprehet ajo.

Dita Ndërkombëtare e Gjuhës Amtare është shpallur nga UNESCO në vitin 1999, me synimin për të mbrojtur diversitetin gjuhësor.