FOTO/ Shkencëtari Stephen Hawking mes dy vajzave të reja me bikini në dokumentet e Epstein

Foto të publikuara së fundmi nga dosja e Departamenti i Drejtësisë së SHBA-së mbi pedofilin e dënuar Jeffrey Epstein kanë shkaktuar jehonë ndërkombëtare, duke përfshirë imazhe që lidhen me Stephen Hawking dhe apartamentin e Epstein në Paris.

Në njërën nga fotot, Hawking shihet midis dy vajzave të reja në bikini, duke mbajtur pije në dorë. Nuk është e konfirmuar vendndodhja, por është e mundur që fotografia të jetë marrë në ishullin Little Saint James të Epstein në Ishujt e Virgjër Amerikanë. Stephen Hawking ishte një nga 21 shkencëtarët e ftuar nga Epstein në ishull në vitin 2006. Emri i tij shfaqet rreth 250 herë në dokumentet e dosjes, pa asnjë provë për përfshirje në aktivitete të paligjshme. Hawking ndërroi jetë në vitin 2018 nga ALS.

Në të njëjtën kohë, Le Parisien publikoi foto të apartamentit të Epstein në Avenue Foch, Paris. Fotografitë tregojnë një pronë 18-dhomëshe, me tavolina masazhi, lodra seksi dhe fotografi të grave të zhveshura në mure. Sipas prokurorëve francezë, apartamenti dyshohet të jetë përdorur për krime seksuale.

Dekorimet përfshijnë motive kafshësh, përfshirë brirë antlope, një elefant të vogël prej pelushi, shqiponjë dhe mobilje të mbuluara me lëkura tigri artificiale. Disa fotografi tregojnë edhe Epstein pranë grave të zhveshura.

Pas publikimit të dokumenteve nga Departamenti i Drejtësisë, autoritetet franceze hapën dy hetime të reja: një për trafikim qeniesh njerëzore dhe një tjetër për krime të dyshuara financiare, të lidhura me veprimtarinë e Jean-Luc Brunel, agjent francez i modeleve dhe mik i hershëm i Epstein.