Disa shtete amerikane padi ndaj administratës Trump për ndryshimet në rekomandimet për vaksinimin e fëmijëve

Disa shtete amerikane, përfshirë Kaliforninë paditën administratën Trump për anulimin e rekomandimeve të vaksinimit për fëmijët, duke e quajtur këtë veprim një kërcënim të paligjshëm për shëndetin publik.

Shtetet argumentojnë se Qendrat për Kontrollin dhe Parandalimin e Sëmundjeve (CDC) vunë në rrezik jetën e fëmijëve kur njoftoi muajin e kaluar se do të ndalonte së rekomanduari që të gjithë fëmijët të imunizohen kundër gripit, rotavirusit, hepatitit A, hepatitit B, disa formave të meningjitit dhe RSV-së.

“Rekomandimet e reja për vaksinën injorojnë udhëzimet mjekësore të hershme dhe do t’i detyrojnë shtetet të shpenzojnë më shumë për t’u mbrojtur nga shpërthimet,” thanë shtetet, përfshirë Arizonën dhe Kaliforninë.

Prokurori i përgjithshëm i Arizonës , Kris Mayes në një konferencë për shtyp të martën u shpreh se shëndeti dhe siguria e fëmijëve në të gjithë vendin nuk është një çështje politike.

Padia përshkallëzon një betejë të vazhdueshme midis shteteve të udhëhequra nga demokratët dhe administratës Trump mbi ndryshimet e qeverisë federale në politikën e shëndetit publik nën drejtimin e sekretarit të shëndetësisë, Robert F Kennedy Jr.

Administrata Trump ka pushuar nga puna mijëra punonjës në agjencitë federale të shëndetit publik, ka shkurtuar fondet për kërkime shkencore dhe ka ndryshuar udhëzimet qeveritare mbi fluorin dhe tema të tjera.