Ambasadori amerikan-punonjësve të ambasadës: Nëse do largoheni nga Izraeli, bëjeni sot për çështje sigurie

Departamenti Amerikan i Shtetit autorizoi të premten largimin e personelit jo-emergjent dhe të familjarëve të tyre nga Israel për shkak të “rreziqeve të sigurisë” në rritje.

Sipas raportimit të The New York Times, ambasadori amerikan në Izrael, Mike Huckabee, u ka dërguar një email punonjësve të ambasadës duke i inkurajuar që, nëse dëshirojnë të largohen, “duhet ta bëjnë këtë SOT”.

Thirrja për largimin e stafit jo-emergjent, e lëshuar përmes një alarmi sigurie, “ka të ngjarë të rezultojë në një kërkesë të lartë për vende në linjat ajrore sot”, shkroi Huckabee. Ai këshilloi stafin të përqendrohet në sigurimin e një bilete për çdo destinacion nga ku mund të vazhdojnë më pas udhëtimin drejt Uashingtonit, duke theksuar se përparësia kryesore është largimi i shpejtë nga vendi.

“Nuk ka nevojë për panik”, theksoi ambasadori, “por për ata që dëshirojnë të largohen, është e rëndësishme të bëjnë plane për t’u nisur sa më shpejt të jetë e mundur.”