“Shmangni vendet me rrezik në Tiranë”, ambasada e SHBA në Tiranë: Trump ka prioritet sigurinë

Pas njoftimit të datës 20 shkurt, ku ambasada amerikane paralajmëroi qytetarët e saj që të mos frekuentonin disa biznese në Tiranë, një zyrtar i ambasadës ka sqaruar se administrata e presidentit Donald Trump ka prioritet kryesor sigurinë dhe mbrojtjen e amerikanëve jashtë vendit.

Sipas zyrtarit, amerikanët që jetojnë ose udhëtojnë jashtë vendit mbështeten në informacionin e ofruar nga ambasadat dhe konsullatat për të marrë vendime që ndikojnë drejtpërdrejt në sigurinë e tyre. Misionet diplomatike dërgojnë mesazhe STEP, përfshirë njoftimet dhe alertet, për t’u mundësuar qytetarëve të ndërmarrin veprime proaktive për të mbrojtur veten.

Zyra e Marrëdhënieve me Publikun e ambasadës nënvizoi rëndësinë e këtyre komunikimeve, sidomos në raste kur qytetarët duhet të shmangin vendet që mund të paraqesin rrezik.