VIDEO/ Momenti dramatik kur raketa balistike godet Dubain

Këto janë momentet kur një raketë balistike godet Dubain ndërsa si pasojë një zjarr shpërtheu në hotelin Fairmont në Dubai. Zyra e medias konfirmoi më vonë një “incident” në zonën Palm Jumeirah, që rezultoi në një zjarr dhe katër persona të plagosur.

Pamjet e filmuara nga një ndërtesë përballë hotelit tregojnë momentin e impaktit të ndjekur nga një shpërthim.

Personi që po filmon duket se bie në dysheme dhe largohet nga ballkoni ndërsa shpërthen një top i madh zjarri portokalli.

Video të tjera të verifikuara tregojnë re të mëdha tymi që ngrihen mbi hotelin me pesë yje.

Pamje shtesë, të filmuara nga një automjet që lëviz ngadalë, tregojnë një zjarr të madh që digjet përpara hotelit në Palm Jumeirah, arkipelagun artificial të Dubait i njohur për hotelet e tij luksoze.

“Mbrojtja Civile e Dubait ka konfirmuar se zjarri është nën kontroll. Katër persona kanë pësuar lëndime dhe janë transferuar në spital,” shtoi zyra e medias.