Konflikti në Iran/ Trump: SHBA ka armë për një luftë të përhershme! Do fitojmë fuqishëm

Presidenti Donald Trump ka reaguar në platformën Truth Social lidhur me rezervat amerikane të municioneve të “nivelit të mesëm dhe mesatar të lartë”, duke theksuar se luftërat “mund të zhvillohen ‘përgjithmonë’ vetëm me këto furnizime”.

“Kemi një furnizim praktikisht të pakufizuar të këtyre armëve. Shtetet e Bashkuara janë të pajisura dhe të gatshme të FITOJNË, FUQISHËM!!!”, shkruan Trump në postimin e publikuar pak para mesnatës në Uashington DC).

Në deklaratat e tij të fundit, ai akuzon paraardhësin Joe Biden se i ka dhënë Ukrainës “kaq shumë nga armët amerikane të nivelit më të lartë”.

Në fund të mandatit katërvjeçar, Biden lejoi Ukrainën të përdorte raketat me rreze të gjatë ATACMS, të cilat mund të godasin objektiva deri në 190 milje.