Zgjedhjet në PD, voton Berisha: Partia do të dalë më e bashkuar

Këtë të diel u zhvilluan votimet për zgjedhjen e kreut të ri të Partisë Demokratike ku sigurisht pjesëmarrës ishte dhe ish-kryeministri, Sali Berisha i cili bëri thirrje për pjesëmarrje në votim.

Sipas tij PD-ja do të dalë më e bashkuar nga këto zgjedhje sepse secili kandidat ka shprehur pikëpamjet e tij dhe kjo nuk do të ndikojë në unitetin e partisë.

“Kandidatët kanë shprehur pikëpamjet e tyre, çka është tërësisht normale, por kandidatët janë zotuar se do të vazhdojnë pavarësisht nga rezultati, përpjekjet e tyre për Partinë Demokratike” , u shpreh Berisha.

Referuar deklaratave të tij se nuk e përjashton një rikthim në PD, ish-kryeministri tha me buzën në gaz se i qëndron konsistent deklaratave të tij.

Ndërkaq, në garë janë kryetari aktual Lulzim Basha dhe 3 sfidantët Agron Shehaj, Edit Harxhi dhe Fatbardh Kadilli.

LEXONI GJITHASHTU: 

• Zgjedhjet në PD, votojnë Basha, Kadilli dhe Harxhi. Shehaj denoncon përjashtimin e vëzhguesve të tij
• Zgjedhjet e PD, Agron Shehaj: Vëzhguesit e mi po janë përjashtuar nga monitorimi
• Mbahen sot zgjedhjet për kreun e ri të PD, Basha përballë Harxhit, Kadillit e Shehajt