Trump kritikon Britaninë dhe Spanjën, ja çfarë deklaroi presidenti në takimin me Merz

Presidenti i SHBA-së, Donald Trump, dhe kancelari gjerman, Friedrich Merz, janë takuar sot në Shtëpia e Bardhë, ku kanë zhvilluar bisedime dhe kanë bërë deklarata të përqendruara kryesisht te lufta në Iran.

Gjatë konferencës, Trump u pyet për qëndrimin e aleatëve të tjerë të SHBA-së. Ai shprehu pakënaqësi të veçantë ndaj Mbretërisë së Bashkuar dhe Spanjës.

Duke iu referuar marrëveshjes së Britanisë me Ishujt Chagos, presidenti amerikan deklaroi: “Ai ishull për të cilin lexuat, qiraja, për çfarëdo arsye, ai e mori me qira ishullin, dikush erdhi dhe ia mori.”

Trump shtoi se SHBA-së iu deshën “tre, katër ditë për të përcaktuar se ku mund të ulemi”, duke theksuar se do të kishte qenë shumë më e përshtatshme të përdorej ai vend në vend të fluturimeve shtesë prej shumë orësh.

“Prandaj jemi shumë të befasuar. Nuk kemi të bëjmë me Winston Churchill,” tha ai, duke iu referuar kryeministrit britanik Keir Starmer.