Emiratet e Bashkuara Arabe hapin korridore ajrore me fqinjët për fluturime evakuimi

Emiratet e Bashkuara Arabe njoftuan të martën se kanë hapur korridore ajrore të sigurta me fqinjët e tyre për të lehtësuar kthimin e qytetarëve të tyre dhe për të ndihmuar vizitorët të largohen nga vendi.

Ministri i Ekonomisë dhe Turizmit, Abdulla bin Touq Al Marri u shpreh se Emiratet e Bashkuara Arabe janë të afta të operojnë 48 fluturime emergjente në orë. Ai shtoi se numri i fluturimeve mund të rritet gradualisht bazuar në vlerësimet e sigurisë.

Sipas tij më shumë se 17,000 pasagjerë janë transportuar nga vendi me 60 fluturime që nga e diela në fazën e parë të planit. Ai shtoi se faza tjetër do të ketë më shumë se 80 fluturime në ditë me kapacitet për të transportuar mbi 27,000 njerëz.