Raphinha: Jam krenar për ekipin, pavarësisht humbjes ndaj Atleticos

Në ndeshjen e Kupës së Mbretit ndaj Atlético Madrid, Raphinha ishte një nga lojtarët vendimtarë, duke shënuar penalltinë e akorduar pas faullit ndaj Pedri në kohën shtesë të pjesës së parë.

Braziliani u shpreh i kënaqur me performancën e skuadrës, pavarësisht pamundësisë për të përmbysur disavantazhin: “Jam krenar për ekipin. Ne dhamë gjithçka që nga fillimi. Jemi të zhgënjyer sepse donim të ishim në finale, por duhet ta respektojmë atë që ka bërë Atlético; ata janë një ekip i shkëlqyer.”

Ai shtoi se, megjithëse rikthimi nga një disavantazh 4-0 nuk ishte i lehtë, ekipi dha maksimumin dhe mbështetja e tifozëve ndihmoi shumë. “Ishim vetëm një gol larg barazimit. Po largohem duke u ndjerë mjaft krenar, me më shumë pozitive sesa negative,” përfundoi sulmuesi, duke nënvizuar shpresën për një përfundim spektakolar të sezonit.