Izraeli do sulmojë objektet nëntokësore të raketave të Iranit në fazën e dytë të luftës, thonë burimet

Izraeli do të sulmojë objektet nëntokësore të raketave balistike në fazën e dytë të luftës, thanë dy burime sigurie për Reuters.

Njëri prej tyre shtoi se qëllimi i Izraelit është të neutralizojë plotësisht aftësinë e Iranit për të lëshuar raketa në territorin e tij deri në fund të luftës.

Më herët ushtria izraelite (IDF) lëshoi një “paralajmërim urgjent” për banorët e periferive jugore të Bejrutit, të cilat janë nën kontrollin e Hezbollahut, në pritje të sulmeve ajrore të planifikuara kundër organizatës terroriste.
Është hera e parë që ushtria izraelite i ka bërë thirrje një pjese të madhe të kryeqytetit libanez të evakuojë këto zona. Në të kaluarën, paralajmërimet për evakuim në Bejrut kanë pasur të bëjnë me ndërtesa specifike që ushtria izraelite do të godiste. Urdhri i fundit, megjithatë, mbulon katër lagje të mëdha në periferitë jugore të qytetit.

“Shpëtoni jetët tuaja dhe evakuoni menjëherë shtëpitë tuaja”, tha zëdhënësi i ushtrisë, Kolonel Avichai Andre.