Ministri i Jashtëm i Izraelit: Nuk kërkojmë një luftë të pafundme

Ministri i Jashtëm i Izraelit, Gideon Sa’ar ka përshëndetur objektivat e mëdha të arritura gjatë luftës në Iran. Sa’ar tha se sulmet kanë dëmtuar programin bërthamor dhe të raketave balistike të Iranit. Ndër të tjera ai këmbënguli se nuk po kërkojnë një luftë të pafundme.

“Ne duam të eliminojmë kërcënimet ekzistenciale afatgjata nga Irani ndaj Izraelit. Është e vështirë ta shohësh këtë me regjimin aktual, Khamenei i ri nuk është më pak ekstremist se i mëparshmi.

Ne do të vazhdojmë deri në momentin që ne, dhe partnerët tanë, mendojmë se është e përshtatshme të ndalemi”, tha ai.

Të hënën presidenti amerikan, Donald Trump tha se objektivat e SHBA-së në Iran ishin pothuajse të përfunduara dhe lufta do të mbaronte së shpejti.