Irani nis sulme të reja ndaj bazave amerikane në Katar, Kuvajt dhe Irak

Irani ka nisur një valë të re sulmesh me raketa në bazën amerikane Al Udeid në Katar, Kampin Arifjan në Kuvajt dhe Harir në Irak, njoftoi sot Trupa e Gardës Revolucionare Islamike (IRGC).

Përveç kësaj, ushtria iraniane nisi një “sulm masiv me raketa” ndaj Flotës së Pestë të SHBA-së në rajon, dhe agjencia ISNA raporton se “infrastruktura operacionale e ushtrisë amerikane është shkatërruar”, duke deklaruar se është “operacioni më shkatërrues dhe më i vështirë” që nga fillimi i luftës.

Më parë, zëdhënësi i ushtrisë iraniane u bëri thirrje vendeve të rajonit të Lindjes së Mesme të zbulojnë strehimet e “forcave amerikano-sioniste”, duke theksuar se forcat amerikane dhe izraelite po vrasin civilë.

Ai u bëri thirrje vendeve në rajon t’i tregojnë Iranit se ku fshihen forcat amerikane dhe izraelite, në mënyrë që “të zvogëlojnë dëmin ndaj civilëve”.