20 vende “të gatshme të kontribuojnë” në Ngushticën e Hormuzit

Më shumë se 20 vende – përfshirë Britaninë, Gjermaninë, Francën, Japoninë dhe Korenë e Jugut – thanë se do të kontribuonin në përpjekjet për të siguruar kalim të sigurt përmes Ngushticës së Hormuzit, duke dënuar mbylljen e rrugës detare nga Irani.

22 vendet, kryesisht evropiane, por edhe Emiratet e Bashkuara Arabe dhe Bahreini, theksuan:

“Ne shprehim gatishmërinë tonë për të kontribuar në përpjekjet për të siguruar kalim të sigurt nëpër Ngushticën e Hormuzit. Ne mirëpresim angazhimin e kombeve që marrin pjesë në planifikim dhe përgatitje”.

“Ne dënojmë me fjalët më të ashpra sulmet e fundit të Iranit ndaj anijeve tregtare të paarmatosura në Gjirin Persik, sulmet ndaj infrastrukturës civile, duke përfshirë instalimet e naftës dhe gazit, dhe mbylljen de facto të Ngushticës së Hormuzit nga forcat iraniane”.