Bashkimi Europian heq kufizimet e udhëtimeve për Shqipërinë

Qeveritë e Bashkimit Evropian vendosën ditën e sotme të heqin kufizimet e udhëtimeve për Shqipërinë, Maqedoninë e Veriut dhe Serbinë, megjithatë disa shtete anëtare të unionit mund të kërkojnë një test negativ të COVID-19 ose karantinë disa ditorë për të lejuar hyrjen në vend.

Shqipëria, Libani, Maqedonia e Veriut, Serbia dhe Tajvani do të shtohen në listën e vendeve të sigurta për të udhëtuar, ndërsa rajonet administrative kineze Hong Kong dhe Makau do të përfshihen vetëm në rast të reciprocitetit.

Vendet e BE rekomandohen gradualisht të heqin kufizimet e udhëtimit edhe për Australinë, Izraelin, Japoninë, Zelandën e Re, Ruandën, Singaporin, Korenë e Jugut dhe Tajlandën.

Sidoqoftë, secili vend i Bashkimit Europian ende mund të kërkojnë një test negativ të COVID-19, ose një periudhë karantinimi për vizitorët.

Vendimi i marrë këtë të mërkurë pritet që të formalizohet të premten por ende nuk është e qartë prej cilës datë do të nisin të zbatohen rregullat e reja.

LEXONI GJITHASHTU: 

• Lehtësimi i kufizimeve, në Francë hapen palestrat. Fluks kërkesash për certifikatën e vaksinimit
• BE-ja lehtëson kufizimet për pushimet verore, shmangen testet dhe karantinat
• Cilat shtete europiane kanë më pak kufizime për udhëtimet?